TATA KRAMA MLASPAS WEWANGUNAN

DADA DUDON MELASPAS WEWANGUNAN

dudonan melaspas wewangunan

SARANA SUBAKTI :

A. Menawi medasar batu wenang mulang dasar ngangge suci mageng menawi medasar citakan utawi batako dados suci alit, pejati, sorohan, segeh agung, citakan lebeng kekalih, batu bulitan sukla 1, klungah nyuh kuning mekasturi pitu 1, kwangen keraras 1 mategul benang tridatu 1, Rajah citakan ring sor antuk bedawang nala medaging aksara “ANG”

Sane nekep (genahang tapak dara) medaging aksara “AH” duur nyane medaging dasa aksara sang, bang, tang, ang, ing, nang, mang, sing, wang, yang. Karuntutin banten pengraksa, sesayut sapuh awu, sesayut jaga satru, segeh agung, tetegenang lebeng matah, siap pitik semululung (pitik selem), kapendem ring bucu kaja kangin.

B. Suci, pejati, sorohan, segeh agung, tetegenang lebeng matah, carang dadap mecarang tiga medawa seasta, semusti, seguli, tujuh, cawan(jembung sutra), niki serana banten angge MENDEM pedagingan, ritatkala mendem pedagingan olih sane sampun genep manusa yadnyan ipun, moga rahayu pemargine ten keneng upa drawa dening besama batara GURU.

C. BANTEN PENGURIP (wewangunan, pelinggih):

Pejatian, segeh manca lima, segeh putih kuning, torek catur (medaging barak aji getih(rah), selem aji jaja begina metunu sane puun, putih aji pamor(apuh), kuning aji madu

D. BANTEN PEMAKUHAN : suci, pejati, sorohan, tandingan pemakuhan, medaging perabot tukang jangkep ( sepat, siku-siku, palu, paat, miwah sane lianan), suang-suang kategul dening benang tebus medaging sasat, segeh agung, tetegenang lebeng matah, lait mangge aji kayu jati (angge pemunah cacad wewangunan) pateh taler medaging sasat.

E. BANTEN PEMLASPAS : suci, pejati, sorohan, tumpeng pemlaspas, segeh agung, tetegenang lebeng matah, bumbung buluh kuning meambed putih kuning, metanceb orti bingin (paturon), orti bunga (pelinggih)

F. menawi ageng pengambile maulu antuk suci mageng, bebangkit, pulegembal.

G. Menawi mepulang pedagingan kewenangan caru MANCA LIMA (manca sata), karuntutin antuk banten pemali mangda sida paripurna karya ika

H. Karyanin banten pematuh pemali.

I. BANTEN SANGGAR TUTUWAN : suci, pejati, sorohan (sami pada kekalih), santun empat, tandingan banten dewa-dewi, segeh agung, tetegenang lebeng matah.

J. Karyanang PEBERSIHAN JANGKEP : byakaonan, durmengala, prayastista, pengambean, pebersihan .

K. RERAJAHAN sampun kesiapang ring dane mangku sadurung nganteb banten.

L. BANTEN PENGAREP : pejatian, beras putih, beras kuning (kunyit), wewangian, toya cenana, kukusan suda mala, sibuh pepek.

PUJA MEPAILEH ( MUPUT MENAWI PINANDITA)

1. DANE MANGKU wenang metetikasan (mersihin raga sarira)

2. DANE MANGKU ngastawa (ngarga) tirta ngelungsur ring sang hyang sunia kasidania.

3. DANE MANGKU ngastawayang pebersihan.

4. DANE MANGKU ngastawayang pinih ajeng keayab maring lebuh.

Puja : “OM” pakulun ratu bhatara ida dewa gede sedan lebuh, ida dewa gede sedan margi, bhatara baruna, sang hyang rim-rim, dewa ayu manik mas subandar, dalem………(desa wewidangan ika), ida ratu GEDE NUSA, ngelungsur keledangan sesuhunan ngemban taler ngemit seraja karya yadnya sane pacang kemargiang ring genah irika

Menawi ida bhatara ngerauhin katur sarining pemendak …………………….

Menawi sampun ida bhatara pada kenak nerima nampi katur sarining ……

Menawi sampun usan ngeraris nunas tirta……………………………………

Ngelantur menawi sampun usan sang yajamana ngaut peras mangda sida sidhi yadnya ipun.

5. NGELANTUR NGASTAWA RING SANGGAR TUTUWAN

BHATARA sane keayeng : sang hyang traya dasa saksi ( ibu pertiwi, bapa angkasa, wulan, lintang, teranggana, anila, dwaya, pujarahina, sandya) rumuhun ring ida mogi ledang nyuryanin , menawi sampun ngerauhin

Dane mangku nyanggra antuk :

Katur sarining pastra : “OM” ragnir-ragnir, jyotir-jyotir, dupam dipam samar

Payami

Katur sarining wajik tangan, wajik cokor, toya raup :

“OM” tirta sweta, rakta, nila, sudha amertha ya namah

“OM” ciwa amertha ya namah

“OM” sadaciwa amertha ya namah

“OM” paramaciwa amertha ya namah

Katur sarining sasap sekar ring padan bhatara :

“OM” puspa sudha amertha ya namah

“OM” ciwa murthi ya namah

“OM” sadaciwa murthi ya namah

“OM” paramaciwa murthi ya namah

Katur sarining tigasan ring pada sira bhatara :

“OM” tigastu sarwa ta dewa

Tigastu sarwa sari amertha ya namo namah swaha.

Katur sarining klasa gumelar :

“OM” spalawa amertha ya namo namah swaha.

Katur melinggih ring sehananing subakti manusan ira :

“OM” padmasana ya namah , sarwa cakti, sidhi, mandi amertham

Murtinem ya namo namah swaha.

Menawi sampun ngadeg katur sarining pasepan ganda purawangi :

“OM” ang brahma sandya ya namah

“OM” ung wisnu sandya ya namah

“OM” mang iswara sandya ya namah

NGELANTUR DANE MANGKU mapiuning napi tatujon karyane sane pacang keambil, moga ledang labda karya sida paripurna

Risampun mepiuning ngelantur katur sarining subakti ………………….

Nunas tirta …………………………………………………………………

Ngaut peras………………………………………………………………..

Ngelantur nunas tirta taler paingkup ring sangku dane mangku taler sane ring lebuh kepaingkup (pinunas tirta seraja karyan sang yajamana).

6. NGELANTUR MULANG DASAR :

Ring wewangunan (pelinggih), wenang dumun ketureksain singgihsn ring rerajahan sane kasurat ring bata, batu, taler ring kwangen, klungah, nyuh kuning (moga sida pripurna seraja karya dane sang yajamana).

PUJA MANTRA : “OM” pakulun sang hyang traya dasa saksi, Begawan

Penyarikan, sri raksa, aji raksa, rudra raksa, kala raksa,

Padu raksa, sang hyang reka tenaya, meserana subakti…

Ring buk padan paduka batara manusan ira ngelungsur

Kesidimandian paduka batara manusan ira mendem

Dasar wewangunan moga jati mekardi kukuh bakuh, tan

Keogah dening lindu, angin, gentuh ring mercepada.

Mekardi ulu janapada pangyangan bhatara …………….

Menawi paduka batara ngerauhin………………………………………

Dane mangku nyanggra…………………………………………………

menawi paduka batara bagia nugraha, aksamayang manusan ira ngaturin sarining pewangi ring pada ira

mantra suci : ………………………………………………………………….

Mantra sorohan :………………………………………………………………

Mantra pejatian :………………………………………………………………

Mantra segeh agung :…………………………………………………………

Mapinunas tirta seraja karya mendem dasar :………………………………..

Mapinunas tirta pengraksa mantra ;………………………………………….

7. Risampun mulang dasar ngelantur antuk upacara mulang pedagingan :

Puja : “OM” Pakulun ratu sesuhunan ibu pertiwi peragaan widhi hyang

Maha utama dumugi ledang tumedun ring kebaktyan manusan

Ira menawi paduka mesurya…..

Dane mangku nyanggra :……………………………………………………

Menawi ida bhatara subagia katur sarining subakti :…………………………

Ngeraris nunas tirta pemendeman pedagingan.

Mantra : “OM” sang hyang ibu pertiwi jati mekadi sang hyang angkasa, sang hyang Aditya, candra, lintang, teranggana, mekadi sang hyang panca dewata, ulun aneda kerta nugraha ripadanira pakulun, manusan ira angadegakena wewangunan (arca, meru arcana) pangiyangan ira sang hyang trisandya mauluning jana pada, ong-sang-bang-tang-ang-ing-nang-mang-sing-wang-yang.

“OM” sidirastu ya namo namah swaha.

Risampun memargi memuja ngelantur nunas tirta ngeraris ketisin antuk tirtane punika ring bangbang sane sampun kekaryanang sadurungne ketisin ping 3, jujug (congcong) antuk carang dadap tiga medaging jinah bolong asli 225 ping tiga, keduk antuk cawan sutra ping tiga, ngeraris pendem pedagingane ring bangbang.(sane mendem wenang sane sampun manusa yadnyaan ipun sane sampun jangkep) ritatkala mendem memargi wenang dane mangku ngenter antuk puja DEWA LAYA :

“OM” dewa laya sari resmin

Namo kondutu terapanem

Erot Padma setandilas cewa

Brahmana teri nadis cewa

Banyem seraya kanta

Guru kerama perekir tiyanta

Sire topi parem brahma

Siwa laya wagra hase

Siwa ropi sada sarwa

Siwa perama kewaliyem

Treyasto widala late

Keso gerednya nayet widhi

8. Risampun mulang pedagingan ngelantur dane mangku ngemargiang (ngastawayang) banten pengurip-urip sarwa wewangunan…………….

Dane mangku ngastawa sesuhunan : “OM” pakulun sang hyang indra, brahma, wisnu, iswara, siwa, sadasiwa, peramasiwa mogi paduka bhatara lugraha tumedun ring bebaktyaning manusan ira…..

Menawi tumedun dane mangku nyanggra :…………………………………..

Ngaturang sarining subakti :………………………………………………….

Nunas pengurip sarwa wewangunan : “OM” pakulun sang hyang indra, angereka saluwiring ginawe rerajahan, “OM” ang-ung-mang, brahma, wisnu, iswara angadegaken sabda, bayu, idep sarwa wewangunan,

“OM” siwa, sadasiwa, peramasiwa angurip aken saluwiring sarwa wewangunan, sarwa ginawe dumanis caya wijaya.

“AH URIP” (ucapkan 3 kali) cayane sarwa winangun donira wastu teka urip.

NGELANTUR ngemargiang pengurip urip ring sarwa bucu, dudonan pemngolesane barak, selem, putih, kuning ngelantur ketisin antuk tirta.

9. Risampun pemargi pengurip-urip memargi kelanturang antuk ngemargiang banten pemakuhan. Dane mangku mamuja ngerauhang ida batara :

“OM” pakulun nawegang lugra pisan manusan ira ngelungsur nugraha

Ripadan ira sesuhunan ida bagawan wiswa karma, ida Begawan

Penyarikan, korsika, garga, meitri, kursya, pretanjala, ida sang

Hyang undagi, sang hyang punggung, sang hyang tatah, pengotok,

Pepet, sang hyang asta kosala-kosali sareng sinamian, maduluran

Subakti sane munggah ripadanira ne mangkin, dumogi bagia

Paduka batara nugraha sakti, sidhi, mandi, moga jati kukuh

Wewangunan manusanira sangkaning kesuwecan paduka batara

Menawi paduka batara ngeledangin ngerauhin subhakti manusanira:

Dane mangku nyanggra :…………………………………………………………….

Dumogi subagia paduka batara katur : ……………………………………………...

Risampun katur sareng sinami cakup tangan ngelungsur tirta :……………………..

Ngelantur margiang sebilang perabot tukang sane wenten ring banten (tirtain dumun sedurung ngemargiang), margiang kadi nak ngarap wewangunan ,risampun raris margiang lait pemunah cacad sane sampun kedagingin rerajahan, pasang ring bucu kaja kangin. Moga siddha paripurna yadnya punika.

1 Risampun ngemargiang pemakuhan ngelantur antuk upekara MLASPAS.

Dane mangku memuja ngerauhang sesuhunan make dewaning pemlaspas:

“OM” pakulun ratu batara sang hyang hyang tiga wisesa, siwa,

Sadasiwa, paramasiwa wisesa, pakulun taler sang hyang

Prewatek nawesanga manusanira rumuhun ksamasampurna

Nugraha tumedun ring baktyan manusan ira kabeh.

Menawi paduka batara rauh :………………………………………………..

Katur sarining subakti :…………………………………………………….

Ngelungsur tirta pemelaspas :

“OM” Yang perama wisesa, siwa-sadasiwa peramawisesa, anguripane

Sarwa tumuwuh, anguripane buana kabeh, purwa, genian,

Daksina, nariti, pascima, wayebya, uttara, ersania, madya,

Sor, luhur, ada kaurip dening sang hyang perama wisesa,

Mapupul dados sawiji, matemahan sang hyang ayu narawati

Asri apasang amertha bumiwana urip, jeng “OM” seri bagia ya

Namah.

Serana tirta toya anyar sam-sam wija kuning , siratin tirta sane keplaspas pada ping pitu(7). Risampun mantra malih ngelantur mantra niki:

“OM” bumi ginawe bumi, suda bumi, sudha ayu, yudha nirmala, dewa

Metu ilang, cobenem sudamala, neher sarira tuwuh, om sarwa

Karya preside namah swaha.

Ngelantur antuk puja pangulih ketampalan :

“OM” pakulun ida sang hyang nawa sanga sareng sinami menawi

Tampaking sang tukang ring sarwa kayu wewangunan , durung

Jangkep manusa yadnya dados undagi, nugraha sampurna paduka

Batara dumogi ten keneng pemala pemali taler taru karubuh, ten

Anut dewasa, genah rebah, ring penadian pekayuan ring wewang-

unan kari ketampalan moga ledang paduka batara anglukat

mewali manadi manik ring prayangan sakti ten ngerubeda ring

mercepada “OM” mlesat ketampalan ring purwa menadi selaka

mewali ring prayangan sakti batara iswara.

“OM” mlesat ketampalan ring gneyan menadi gangsa, mewali

Ring prayangan sakti batara maheswara.

“OM” mlesat ketampalan ring daksian menadi temaga, mewali

Ring prayangan sakti batara brahma.

“OM” mlesat ketampalan ring nariti menadi lungsir jingga,

Mewali ring perayangan sakti batara rudra.

“OM” mlesat ketampalan ring pascima menadi emas, mewali

Ring perayangan sakti batara mahadewa.

“OM” mlesat ketampalan ring wayebya menadi kacok ijo,

Mewali ring perayangan sakti batara sangkara.

“OM” mlesat ketampalan ring uttara menadi wesi,

Mewali ring perayangan sakti batara wisnu.

“OM” melesat ketampalan ring ersania menadi timah,

Mewali ring perayangan sakti batara sambu.

“OM” melesat ketampalan ring madya menadi tunjung ira pure

Sani, mewali ring perayangan sakti batara ciwa guru

Om sarwa kayu kejenengan ira dening sang hyang eka wara, dwi wara, tri wara, catur wara, panca wara, sad wara, sapta wara, asta wara, sanga wara,

Dasa wara, ruwe dasa, wastu ten ketaman dening ala payuse, dande upate,

Ong wredi guna sidi swaha, ong repetastre namem, ong pasupati petastra sudaning nama swaha ya namah.

Ngelantur antuk puja :

“OM” pakulun ingsun angulih aken kayu ginawe………………………….

Yate karerebonane dening manusan ira, paduka batara, maka nguni

Panca resi, sang korsika, sang garga, sang meitri, sang krusye, sang

Pretanjala, kajenengan dening sad ware: tunggleh, aryang, urukung,

Paniron, was, maulu, kejenengan dening sapta wara : some, anggara,

Buda, wrespati, sukra, saniscara, kejenengan dening aste wara :

Sri, indra, guru, yama, ludra, brahma, kala, uma, sake sangga dening

Pertiwi, sakuub dening angkasa, saketawengan dening dewata, wetan,

Kidul kulon lor, sake dening raditya, ulan, lintang, teranggana, saketis

Tisan dening bun, sake uriping dening sabda, bayu, idep, pakulun sire

Sang sapta wara, redite pinaka socanda, soma pinaka kulitnde,

Anggara pinaka donde, buda pinaka bungande, werespati pinaka

Galihnde, sukra pinaka wohnde, saniscara pinaka akahnde, batunde

Pinaka pancernde, tampulnde pinaka punyannde, pinaka padannde,

Sungsungannde pinaka donned, muah buahnde pinaka isinnde,

“OM” sang-bang-tang-ang-ing-nang-mang-sing-wang-yang

Ngelanturang antuk puja ayu werdi :

“OM” ayu werdi yasa werdi,werdi pradnya suka sriya,darma Santana werdica,stute sapta werdayah, yata meru stute dewa, yawat gangga maha tale candrarka gagena tawat, tawa tuwam wijaye bawet, “OM” dirgayur astu tat astu, awignam astu tat astu, subam astu tat astu “OM” sryam bawantu, sukam bawantu, purnam bawantu kesama sampurna ya namo namah swaha.

Menawi sampun puput dane mangku ngantebang mangkin nunas tirta, risampun sami wewangunan maketis antuk tirta, wenang tirta punika raris genahang ring bungbung tiying gading sane medaging orti raris iket ring tugeh utawi dados iket ring taksu wewangunan punika, moga rahayu pemargine.

Menawi dane mangku melaspas tugu niki pujania :

“OM” ngawang-ngawang, nguwung-nguwung, mesat sejawe, tumiba ring- pertiwi, kapwa pakulun menadi watu kumelase, kapwa pakulun pinerang dening cikre karo, winadung tampak paluning pande wesi, rinanca rinincir-nincir, kajenengan denira Begawan penyarikan, winastu pwapakulun menadi babaturan, Padma, muang tugu, tambak, ingurip dening batara wisnu, ingasrenan dening sang hyang guru wisesa, luputing lara roga sang kagawe ye aken awan, poma poma poma.

11. Risampun pemargi mlaspas kelar ngelantur antuk ngaturang banten pengrapuhan (suci, pejati, sorohan, sesayut sapuh awu, segeh agung, tetegenang lebeng matah, canang ngeleb 5 don dadap 5 dagingin tanah bucu).

Dane mangku ngayat sesuhunan :………………………………………

Dane mangku nyanggra :……………………………………………….

Dane mangku ngaturang subakti :……………………………………….

Nunas tirta taler ngaut peras dane yajmana .

12. Menawi sampun usan ngerapuh tetejaan sane ten manut ring sulur yadnya agamane ngelantur antuk MECARU MANCA SATA.elingang banten sane ring sanggar tutuwan sampun dumunang keayabang ring mangku, taler sampun ke uningang ring ida sesuhunan singgian tatujon yadnya. Sampun ngelungsur tirta taler ngaut peras sang yajmana. Wau mangkin ngemargiang caruan manca lima

Pinih ajeng sampun ring ngarga tirta mepuja patik wenang keangge ngelukat sato sane keangge mecaru pujania :

a. “OM” indah ta pakulun sang dwi pada maring purwa desa sinangkanta pamuliha pakulun ring purwa desa manembah pakulun ring batara iswara “OM” sang lingganta, wuwus samangkana pasang sarga pakulun ring batara iswara, ayua pakulun tan ngastitiyaken tutur ira sang hyang dharma, tutur-tutur ayua lali enget-enget ayua lupa, nahen teka pakulun maring dalem kepatyan dumogi pakulun dados tanda mantra, wiku sakti saguna kayante aturakne pakulun, apan ulun amantukakena iri pakulun “OM” sang sadya ya namo namah swaha.

b. “OM” indah ta pakulun sang catur pada maring daksina desa sinangkanta, pamuliha pakulun maring daksina desa manembah pakulun ring batara brahma “OM” bang lingganta, wuwus samangkana pasang sarga pakulun ring batara brahma, ayua pakulun tan ngastitiyaken tutur-tutur ayua lali, enget-enget ayua lupa nahan teka pakulun maring dalem kepatyan dumugi pakulun dados manusa, tanda mantra, wiku sakti saguna kayanta aturakena ring ulun apan ulun amantukakena iri pakulun “OM” bang bama dewa ya namo namah swaha.

c. “OM” indah ta pakulun sang sad pada maring pascima desa sinangkanta, pamuliha pakulun maring daksina desa, manembah pakulun ring batara brahma, “OM” bang lingganta, wuwus samangkana pasang sarga pakulun ring batara brahma, ayua pakulun tan ngastitiyaken tutur-tutur ira sang hyang darmaTutur-tutur ayua lali, enget-enget ayua lupa, nahen teka pakulun maring dalem kepatyan dumogi pakulun dados manusa, tanda mantra, wiku sakti, saguna kayanta aturakena ring ulun, apan ulun amantukakena iri pakulun “OM” tang mahadewa ya namo namah swaha.

d. “OM” indah ta pakulun sang alaku dada maring uttara desa sinangkanta, pamuliha pakulun maring uttara desa, manembah pakulun maring uttara desa “OM” ung lingganta, wuwus samangkana pasang sarga pakulun ring batara wisnu, ayua pakulun tan ngastityaken tutur-tutur ira sang hyang darma, tutur-tutur ayua lali, enget-enget ayua lupa nahen teka pakulun maring dalem kepatyan dumogi pakulun dados manusa, tanda mantra, wiku sakti, saguna kayanta aturakena ring ulun apan ulun amantukakena iri pakulun “OM” ang agora ya namo namah swaha.

e. “OM” indah ta pakulun sang mina maring banya maring madya desa sinangkanta, pamuliha pakulun maring madya desa, manembah pakulun ring batara siwa, “OM” ing lingganta, wuwus samangkana pasang sarga pakulun ring batara siwa, ayua pakulun tan ngastityaken tutur-tutur sang hyang darma, tutur-tutur ayua lali, enget-enget ayua lupa nahen teka pakulun maring dalem kepatyan dumogi pakulun dados manusa, tanda mantra, wiku sakti, saguna kayanta aturakena ring ulun, apan ulun amantukakena iri pakulun “OM” ing isana ya namo namah swaha.

Menawi sampun sayaga dane mangku ring puja patik wenang, ngeraris dane mangku matur piuning ring sesuhunan moga ledang ngerauhin subakti

Puja ngerauhang sesuhunan ring caru manca sata :

“OM” pakulun ratu batara iswara, brahma, mahadewa, wisnu, siwa, taler sang hyang traya dasa saksi ( ibu pertiwi, bapa angkasa, ulan, lintang, teranggana, anila, dwaya, ratri, pujarahina, sandya ) pang-pang presangga manusan ira numedunang linggih paduka batara rahinane mangkin……………………………

Wenten dahat penglungsur manusan ira, pacang ngaturin caruan ring kekalaan paduka batara, kesaksinin dening sang hyang traya dasa saksi sareng sinami moga ngeledangin paduka batara ngerauhin.

Menawi paduka batara nyuryanin sareng sinami

Dane mangku nyanggra : ……………………………………………………………

Taler dane mangku ngaturin ida sesuhunan subakti : ……………………………….

Menawi sampun ketampi raris dane mangku nunas tirta caru

Mantra : “OM” gangga dwara praya gesa, gangga sanggara sanggama,

Sarwa angga tabor labate, tribih satenir wisesetam.

“OM” papoham papokarmaham, papatma papo sembawah

Rahimam pundari kasah, sembahya byantara suci.

“OM” sidi guru song srapat, sarwa papa, sarwa klesa, sarwa roga, sarwa

Dosa, sarwa satru winasanam ya namo namah swaha.

Menawi sampun telas mepuja raris ketisan tirtane : sane ring sanggar tawang (cucuk) ketisin meduur raris ring caru, sane ring suci, pejati, sorohan ketisang ring banten raris ring caru. Menawi sampun puput ngeraris dane mangku mengundang buta ring wewidangan irika

Sadurung dane mangku mengundang buta elingang ngelungsur ring catur sanak mangda ten keneng cakra wibawa PUJA :

“OM” pakulun sang catur sanak anggapati, mrajapati, banaspati,

Banaspati raja, dumogi ledang mijil ring maya pada memurti

Dados sang hyang sangkala, puru sangkara, adi kala, sang maha kala

Nganganin manusan ira ngaturin kekalaan ida batara iswara, brahma,

Mahadewa, wisnu, siwa, dumogi ten ketamaan sisip raja panulah

“OM” sidirastu ya namah swaha.

Raris dane mangku mengundang sang buta, PUJA :

a. “OM” pakulun sang kala petak araning sang buta karuna rauh pakulun maring purwaning……………………. Sinareng sanak wado caro pakulun 555 (limang atus limang dasa lima), umanis panca wara pakulun, sang sabda ngrenge pakulun mapupul ring samuan alit, menawi sampun mapupul ledang meneng abosbos.

b. “OM” pakulun sang kala bang araning sang buta jangitan, rauh pakulun maring daksinaning…………………….sinareng sanak wado caro pakulun 999 (sangang atus sanga dasa sanga), paing panca wara pakulun, bang sabda ngrenge pakulun, mapupul ring pesamuan alit menawi sampun mapupul ledang meneng abosbos.

c. “OM” pakulun sang kala pita araning sang buta lembukania rauh pakulun maring pascimaning ………….sinareng sanak wado caro pakulun 777 ( pitung atus pitung dasa pitu), pon panca wara pakulun, tang sabda ngrenge pakulun, mapupul ring pesamuan alit, menawi sampun mapupul ledang meneng abosbos.

d. “OM” pakulun sang kala ireng araning sang buta langkir, rauh pakulun maring uttaraning…………………sinareng sanak wado caro pakulun 444 (samas petang dasa pat), wage panca wara pakulun, ang sabda ngrenge pakulun, mapupul ring samuan alit, menawi sampun mapupul ledang meneng abosbos.

e. “OM” pakulun sang kala manca warna araning sang buta tiga sakti, rauh pakulun maring madyaning wewidangan……………………..sinareng sanak wado caro pakulun 888 (domas ulung dasa kutus), kliwon panca wara pakulun, ing sabda ngrenge pakulun, menawi sampun mapupul ledang meneng abosbos.

Menawi sami sampun mapupul ring suang-suang samuan alit aksamaang manusan ira ngaturin sarining pengelukatan sareng sinami :

“OM” kalukat sang kala kali sumurup sang buta buti, kalukat sang buta buti sumurup sang kalika mayang sakti, kalukat sang kalika mayang sakti sumurup dewi durga, kalukat dewi durga sumurup dewi uma, kalukat dewi uma sumurup batara guru, kalukat batara guru sumurup sang hyang tiga sakti, kalukat sang hyang tiga sakti sumurup sang hyang tanpa ara, kalukat sang hyang tanpa ara sumurup sang hyang acintya, sidi juga sangkania sidi juga palania “OM” sidirastu ya namo namah swaha. Menawi sampun pada kenak katur sarining pengelukatan ledang nemangkin katur sarining caruan karangan, bakaran, japit, pemogpog, sekul sapulung manut urip, lawar barak lawar petak, keben-keben, tangkariga manut urip

Lawat nyuh, lawat buah, lawat busung, tangkariga inaran manusa, kumecorot manut urip inaran kamandalu, sujang cambeng inaran pawitra, moga kenak pada amukti sari “OM” buktyantu durga buchari, buktyantu kala ewaca

Buktyantu buta butanam, buktyantu pisaca salam

Katur sarining tabuh : “OM” ibek segara, ibek danu, ibek bayu premananing ulun.

Katur sarining amertha : “OM” sri sri amertha ya namo namah swqaha.

Menawi kirang langkung sampun munggah katur sarining segehan agung puja pateh kadi ngaturang caru, risampun katur malih ngastawayang gelar sanga

Puja : “OM” pakulun sang kala wisesa, sang kala amengkurat, sang kala tahun,

Sang kala bumi, sang kala dasa muka, sang kala enjer, sang kala

Undar andir, sang kala brahma, sang kala purusa, nguniweh sakweh

Ikang kala kabeh, manawi ana kirang kaluputan ipun, mangda

Sampunta sira langga puraka, ingsun aminta kertha nugrahanira,

Mangda rumaksa dinulur lampah lakun sang apara caru sida dirge

Yusa awit urip, ketekan sasinadyan ipun muang anutug aken darma

Kalepasan

“OM” hreng kala astra, sarwa kala sampurna ya namah swaha.

Ngelantur matur dane mangku : menawi sampun pada kenak sareng sinami ledang mewali ring prayangan sakti suang-suang ingsun aminta sih kertenugraha ring sira sampunta langga puraka ring sang yajamana nugraha awit urip rumaksa aparaning caru.

Menawi ring pemargi yadnya punika wenten sang yajamana ngaturang BANTEN PEMALI niki kawenangan ngeruntutin caru MANCA SATA. Singgian banten pemali dagingnia :
maulu antuk suci, pejati, sorohan, segeh agung, tetegenang lebeng matah, sami pada lima(metatakan antuk ngiyu), segeh cacahan 33 tanding nganut paideran: putih-purwa : 5 tanding

Barak—kelod : 9 tanding

Kuning—kauh : 7 tanding

Selem—kaja : 4 tanding

Berumbun—tengah : 8 tanding

Mangkana dandannia, raka-raka sakawenang, iwaknia sata manca warna, lis pada mapuun, malih ginawe sanggah linggih pemali, muah buki liamng besik, mealed kelopekan tiying, mepelawa don tiyih, don buah, mebun-bun don temen, gegirang, kayu tulak, don dadap, selepan, metali benang tri datu, 5 pesel, genahang ring linggih pemaline, genahne manca desa.

Ring madya : suci asoroh, boki drika, medaging tumpeng adanan

Purwa (kangin) tumpeng putih = 2 bungkul

Daksina(kelod) tumpeng barak = 12 bungkul

Pascima(kauh) tumpeng kuning = 2 bungkul

Uttara(kaja) tumpeng selem = 12 bungkul

Madya(tengah) tumpeng brumbun = 5 bungkul

Muah ametan(ambil) celebingkahe ring pekarangannia, mider manca desa, kumpulakena ring genahe mecaru, muah manca desa genahnia sinurat dening aksara manca brahma, metorek pamor maempat(tapak dara), raris genahang ring bokine, banten ika metatakan kelakat, muah sengkui gede: kangin, kelod, kauh, kaja, ditengah, muah tuak genahnia kadi arep, muah kawu(batok nyuh) mabulu 5 besik, peras penyeneng, sesantun abesik, bersa akulak, arta sesari (777), pemargi ne becik kajeng kliwon, sandenia caru, wetan pemangguh ayaban, maider mangidul, mangulon, mangalor, maring tengah, mangkana tingkahe memanggun pemali, raris punduhang ring tengah, ika raris sesantingin, malih tunasang tirta pengulun setra ika ingaran : pemangguh pemali (muah angunduraken pemali).

NIKI PUJA PEMALI :

“OM” pakulun kaki pemala, nini pemali, ingsun angundurang pemali agung, mapesengan I Gular Bumi, Peremantrining Pemali mengaran I Guyang Ati.

Perebekel IPemali ngaran : I Tunjukati

Sedan IPemali ngaran : I sanriati
Penyarikan IPemali ngaran : I Tumbak api

Kasinoman IPemali ngaran : I Kunyang-Kanying

Juru tulis IPemali ngaran : I Tuwek Wesi

Bujangganing IPemali ngaran : I Munyang-Manying

Juru Cendek IPemali ngaran : I Pular-Palir

Dewaning IPemali ngaran : I Ratu Mejaya.

Teka wado carani Pemali(panjak pemali) ngaran : pemali bantang, pemali tunggak, pemali tunggek, pemali pacek, pemali jengat, pemali brahma, pemali wisnu, pemali pulung, pemali suket, pemali jalinjing, pemali tukad, pemali sawah, pemali sema, pemali desti, pemali teluh, pemali moro, pemali angina,

Satus kutus araning pemali, teka pakulun kabeh, pada patuh ingkup, asanak ring punanu, sang aderuwe caru, puniki ana ganjaran ira, katur ring kaki pemali, nini pemali, paingkup agung, asung anugraha, amukti ya sari, lawan sanak ira kabeh, wehana wado caro samodaya, sampun sira malih, angeringin, jadma manusane punanu, wehana urip waras, dirge yusa tekaning anak putunira kabeh, amukti ta sari ring kayanganira suang-suang, “OM” sarwa pemala-pemali biyo swaha.Risampun ngaturan banten pemali ngelantur ngaturang banten pematuh Pemali

Dagingnia banten pematuh pemali : Kuangen 5 kojong, nasinia entip, jinah wenang suang-suang pada medadua (2), sekar patuling kwangen mantra :

“OM” sarwa sewi brok namah, sarwa dewa broh namah, buta yaksa-yaksi namah swaha 3 kali ucapang, pemala-pemali, buta-buti, kala-kali, kala dengen, patuh kangin, patuh kauh, patuh kaja, patuh kelod, patuh ring tengah, pada patuh ingkup, teka patuh 3 kali ucapang.

Menawi sampun telas pengayabe wau lungsur tirta ngeraris kemargiang runtutane :

Api ( prapak), sampat, tulud, kukul, tirta ring sanggar cucuk, tirta ring sorohan sor sanggah cucuk, tirta banten pemali, tirta pematuh pemali, tirta dane mangku, beras putih, beras kuning(kunyit) ngider purwa daksina pemargine manut genah suang-suang , MOGA rahayu pemargine.

Risampun sami pecaruan, banten pemali sampun memargi ngelantur antuk maktiang (bakti) caru, banten pemali sane sampun memargi antuk PANCA SEMBAH lan tri sandya.

Ngelantur mepiuning jaga pacang ngelinggihan ring jahan ring batara sesuhunan sane kebaktinin sareng sami. Menawi sampun puput kelanturang antuk ngayab mrelina caru sadurung keluuran

Puja dane mangku : ngayab ke banten

“OM” pakulun sang kala petak sumurup pakulun ring sang buta karuna, buta karuna sumurup pakulun ring sang hyang korsika, sang hyang korsika sumurup pakulun ring batara iswara, batara iswara sumurup ring batara siwa, batara siwa sumurup ring sunia

Ngayab ke manusa : sunia sumurup ring garban ta manusan ira ngewetuang sifat dewata, magehang manusan ira ngelar darma kalepasan ring mercepada.

Ngayab ke banten : “OM” pakulun sang kala bang sumurup pakulun ring buta jangitan, buta jangitan sumurup pakulun ring sang hyang garga, sang hyang garga sumurup pakulun ring batara brahma, batara brahma sumurup pakulun ring batara siwa, batara siwa sumurup pakulun ring sunia.

Ngayab ke manusa: “OM” sunia sumurup ring garban ta manusan ira ngewetuang sifat dewata, magehang manusan ira ngelar darma agama kalepasan ring mercepada.

Ngayab caru ayam kuning:

Ngayab ke banten : “OM” pakulun sang kala pita sumurup pakulun ring buta lembukania, buta lembukania sumurup pakulun ring sang hyang metri, sang hyang metri sumurup pakulun ring batara mahadewa, batara mahadewa sumurup pakulun ring batara siwa, batara siwa sumurup pakulun ring sunia.

Ngayab ke raga manusa : “OM” sunia sumurup ring garban ta manusan ira ngewetuang sifat dewata, magehang manusan ira ngelar darma agama kalepasan ring mercepada.

Ngayab caru ayam selem(ireng):

Ngayab ke banten : “OM” pakulun sang kala ireng sumurup pakulun ring buta karuna, buta karuna sumurup pakulun ring sang hyang kursya, sang hyang kursya sumurup pakulun ring batara wisnu, batara wisnu sumurup pakulun ring batara siwa, batara siwa sumurup ring sunia.

Ngayab kemanusa : pateh kadi ring arep

Ngayab caru brumbun:Ke banten : “OM” pakulun sang kala manca warna sumurup pakulun ring buta tiga sakti, buta tiga sakti sumurup pakulun ring sanghyang pretanjala, sanghyang pretanjala sumurup pakulun ring batara siwa, batara siwa sumurup ring sunia.

Manusa ; pateh kadi ring arep.

Menawi sampun usan ngeraris luarang carune ke luah (ring dija genah pengutangang) ring wewidangan ika, wenang ketutug antuk canang sakasidan dumogi rahayu pemargine.

Ngeraris ngelantur antuk ngelingihang antuk daksina tapakan sedurungne wenang dane mangku memuja antuk panca maha bayu daksina punika tetujon ngelukat daksina linggih

Pujania :

a. “OM” “OM” panca maha baya, purwa desanca, bajra senjatania sida angelukat angelebur, sakewehing mala patakaning………………………………………..

“OM” sriya wai namo namah swaha.

b. “OM” “OM” panca maha baya, daksina desanca, danda senjatania sida angelukat angelebur, sakewehing mala patakaning……………………

“OM” sriya wai namo namah swaha

c. “OM” “OM” panca maha baya, pascima desanca, nagapasah senjatania sida

Angelukat angelebur sakewehing mala patakaning………………………..

“OM” sriya wai namo namah swaha.

d. “OM”OM” panca maha baya, uttara desanca, cakra senjatania sida angelukat angelebur, sakewehing mala patakaning…………………………………….

“OM” sriya wai namo namah swaha.

e. “OM”OM” panca maha baya, madya desanca, Padma senjatania sida angelukat angelebur, sakewehing mala patakaning………………………….

“OM” sriya wai namo namah swaha.

Risampun kalukat daksina linggih sami dane mangku ngeraris kewantu olih sang yajamana mangda ritatkala ngelinggihang becikang nyunggi daksina linggih punika, ngeraris dane mangku ngayat ida batara sesuhunan mogi ledang ida ngadeg ring daksina linggih maka ulu janapada manusa melajahang angga bakti iriki ring mercepada.

Menawi sampun ida batara ngadeg raris linggihang ring pelinggihe nanging sadurungne mangda meider murwa daksina ring pelinggihe maka cihna jejer ajer maka ulu jana pada.

Ngelantur malih dane mangku ngaturang pebersihan antuk puja mangd subagia kenak ida batara mesurya ke mercepada.

Menawi sampun melinggih ngeraris sang yajamana ngaturang subakti, keayabang dening dane mangku ngelantur ke panca sembah keanter dening mangku , ngeraris nunas tirta sareng sami, nanging ELINGANG sadurung ketunas tirta puniki wenang ketisin dados inaran wewidangan punika dados duwen ida batara taler pemedal, taler ring lebuh, wusan nika uningang enjekan ODALAN pelinggih punika, raris menawi usan wau nunas tirta sareng sami moga bagia sareng sami pemargine.

Pakeling menawi semeton sami medue yadnya ngangge sanggah tutuwan wenang jejerang 3 rahina taler katuring soda rahina wengi mangda sida paripurna yadnya punika nganut utpeti, setiti, prelina ngelantur ring rahina ke tiga wenang ngaturang subakti pengelemek antuk pejatian paling alit ring sanggar tutuwan raris nunas tirta peneduh ring BATARA KAWITAN moga teduh landuh loh jinawi sang yajamana kawekasan, tan lali tiang matur geng rena sinampura menawi wenten kirang langkung rarisang para semeton nureksain menawi langkung rarisang ngirangin menawi kirang rarisang wewehin om santih santih santih om.

semoga bermanfaat sebagai gambaran saja buat para sahabat mohon ditambahi bila ada yang kurang dan di kurangi bila ada yang lebih semoga bermanfaat serta dalam usaha pelestarian pengetahuan leluhur saya posting hal ini

dan yang berminat download silahkan hubungi di contact us gratis buat semuanya

dan yang hendak bertanya silahkan di contact us juga

atau download disini onedrive

Sri 4 april 2014

Related Posts

Post a Comment