Canang genten
"Metaled antuk ceper, wiadin marupa kadi raringitan, tetaledane kedasarin antuk pelawa, porosan antuk dadah, medaging apuh lan jambe mategul antuk talin porosan, susunin wadah lengis, sekar lan pandan arum, sukseman nyane panunggalan kayun, suci jagi parek ring Hyang Widhi, Brahma, Wisnu, Iswara, Punika seranane, jambe. apuh lan sirih".
Canang Lenga Wangi
"Campuran minyak kelapa, pangi, adeng, miyik-miyikan, minyak ireng, campuran malem lan menyan, minyak putih, burat wangi, campurin kelapa lan akah cenana, menyan, majeggau, seranane minakadi cenana, menyan, majeggau mateges Shang Tri Purusa".
Canang Sari
"Taled medaging pelawa miwah porosan, beduur talede medaging sampian sari, beras kuning, sesantun, minyak wangi lan sekar, suksemannyane; Sarin kesucian kayun Bakti Ring Hyang Widhi Tunggal, napkala ngaksara kahiwangan-kahiwangan".
Canang Gantal
"Masaih ring canang genten, maweweh lekesan kekalih, matusuk antuk serat, wiadin mategul antuk tallin porosan, duwur porosane medaging wadah uras lan sekar"
Canang tubungan
"Pateh sekadi canang genten nanging porosane antuk base tubungan, muncuk lekesane metampak dara metegul antuk talin porosan, duwur porosane susunin wadah uras lan sekar".
Canang pengrawos
"Taler pateh naging medaging kojong petang siki , suang-suang medaging apuh, medaging taled susunin tangkih 2, suang-suang medaging minyak wangi lan bija".
Canang nyahnyah geringsing
"Taled antuk ceper medaging jaja kekiping, pisang mas, nyahnyah geringsing, lakarnya antuk ketan injin menyahnyah, mabungkus antuk tangkih don keraras, medaging porosan wadah uras lan sekar."
Canang Pangeresikan
"Taled antuk ceper medaging tangkih siki, suang-suang medaging sisig, beras menyahnyah jantos puun, kakosok kuning, tepung mecampur kunyit, kakosok putih beras putih mecampur antuk tepung, tepung tawar atau tepung beras sekar mesisir, medaging nasi segau, sesarik atau minyak lan kapa.
Canang payasan
"Taled antuk tangkih bucu telu, masusun antuk jejaitan payasan, palawa porosan, wadah uras lan sekar."Canang meraka
"Taled antuk ceper , medaging tebu cacahan, woh-wohan, sampiyan meadging pelawa, porosan wadah uras lan sekar"
demikian semua jenis canang dalam belajar yadnya semoga bermanfaat
Post a Comment