Hangken Keliwon :
"Maturan ring genah-genah suci ; canang genten, lenga wangi, canang sari, segehan sekepel."
Hangken Purnama :
"Maturan ring Hyang Ratih ; Yan nuju sasih karo, kasa, katiga, kalima, kenem, kahulu, kesanga, jesta, sada : Canang genten, lenge wangi, burat wangi, canang sari, canang pareresikan, canang payasan, segehan kepelan yan nuju sasih kapat muang kelima maweweh aturan : penek kuning lan canang raka.
Hangken tilem :
"Yan nuju sasih kasa, karo, ketiga, kapat, kelima, kedasa, jesta muang sada, maturan ring Hyang Surya : Canang genten lenge-wangi, burat-wangi, canang sari, pebersihan, canang payasan, penek kuning, canang raka, yan nuju sasih kenem aturane maweweh manut unggahan ring bhuta yadnya> Yan nuju tilem sasih kepitu (Ciwa latri) sajabaning kadi ring ajeng mawuwuh maturan pengebaktian ring Ida Hyang Ciwa saha Upakara: Sekar bang, putih, ireng, lan kewangen mejinah 11 medaging daun bila 6 bidang.
Hangken Pager Wesi :
" Maturan ring Hyang Iswara ring genah-genah suci : Canang sari, canang meraka, lan sesayut pageh urip".
Hangken Tumpek Landep : "Maturan ring Hyang Pasupati : Canang Raka, Canang sari, sesayut jayeng perang, saha pengodalan senjata minakadi : Tumbak, keris, miwah sekancan punika."
Hangken Galungan :
"Maturan ring Hyang Pramesti Guru : Canang Meraka, canang-canang lengewangi-buratwangi, penek, pesucian, sodan, banten guru, lan pasuguh lianan sakesidan, saha mamenjor jangkep medaging pala bungkah pala gantung, raka-raka matah lebeng".
Hangken Kuningan :
"Maturan Ring Hyang Pramesti Guru : Canang wangi-wangi, canang pasucian, canang raka, sodan, penek kuning maulam kuning taluh, ring penataran ngaturang segehan ring sang Bhuta galungan ring para iringan idane sami, nanging maturan paling lambat tajeg surya mangda sampun puput. Ring angga sarira natab sesayut prayascita maka pangenteg bayu sabda idep".
Hangken Tumpek Wariga (tumpek bubuh)
"Maturan ring Hyang Sangkara : Canang wangi-wangi, bubuh gendar, peras tepung raka-raka, panyeneng, genahne ngilehang ring tegal ring sawah".
Hangken Tumpek Uye
"Tumpek puniki pewetonan sarwa ubuh-ubuhan ring Hyang Ludra : Canang raka, ketipat bagia, belayag, penyeneng, tebasan sidha malungguh, sane kawidhi-widhanain sekancan ubuh-ubuhan minakadi : Ayam, banteng, paksi, miwah sekancan punika".
Hangken Tumpek Wayang
"Maturan ring Sang Hyang Iswara : Canang Raka, canang wangi-wangi, pesucian, peras ajengan, sesayut pala kerti, sarengang ring pengodalan sarwa tatangguran minakadi: gong, gambang, angklung, wayang, gender miwah sekancan punika".
Hangken Saniscara Umanis Watugunung
"Maturan ring Hyang Saraswati : Suci, peras, daksina, penek, kembang payas, sesayut saraswati, raka-raka, canang wangi-wangi, puniki katur ring pustaka-pustaka ring pengodalan sakasidan".
Hangken Redite Paing Sinta (Banyu Pinaruh)
"Maturan ring Hyang Saraswati : Suci laksana, Canang unggahan masirat toya anyar."
Hangken Coma Pon Sinta (Coma Ribek)
"Maturan ring Hyang Sriamertha : Odalan Beras : Canang burat wangi, canang raka, beras kuning, tebasan amertha rau sai."
Hangken Anggara Wage Sinta (Sabuh Emas)
"Maturan ring Hyang Mahadewa : Odalan sarwa berana : Canang burat wangi, canang raka, beras kuning, tebasan bagia setata sai".
Hangken Redite Umanis Ukir
"Maturang Ring Hyang Guru : Canang Burat Wangi, Tebasan Pageh urip".
Hangken Anggra Keliwon Kulantir
"Maturan ring Hyang Mahadewa : Canang genten, segehan kepel putih, soda putih kuning".
Hangken Anggara Kliwon Juluwangi
"Maturan ring Hyang Sri : Canang genten."
Hangken Weraspati Wage Sungsang
"Maturan ring Hyang Pawitra : pararebuan, sodan, canang genten, segehan agung, ring lebuh ring natar pekarangan segehan cacah"
Hangken Redite Paing Dungulan (Penyekeban)
"Maturan pemayuh ring sang bhuta Amangkurat, ring sang bhuta kala dungulan saha upakara : segehan manca warna tiga tanding. "
Hangken Coma Paing Dungulan (Penyajaan Galungan)
"Maturan ring Hyang Kala Tiga : Segehan manca warna tiga tanding, genahne maturang ring lebuh, ring natar sanggah, ring natar pekarangan, pateh mepemayuh ring sekadi ring ajeng. "
Hangken Anggara Wage Dungulan (Penampahan Galungan)
"Maturan ring Hyang Kala Tiga : mapamayuh kadi ring ajeng : Sodan, Pabyakalan, tebasan galungan, penyeneng lan canang genten. "
Hangken Wrespati Umanis Dungulan ( Manis Galungan)
"Maturan ring Hyang Dharma : Banten penganyaran, ketipat maulam sakasidan, canang genten, genahe maturan ring bale miwah ring merajaan."
Hangken Sukra Paing Dungulan (Pangerebegan)
"Maturan Ring Hyang Widhi : sewarnaning ketipat maulam sakesidan, canang genten maulam tape."
Hangken Redite Wage Kuningan (ulihan Jawa)
"Maturan ring Hyang Pramesti Guru : soda, segeh cacahan, canang genten."
Hangken Coma Kliwon Kuningan ( ulian Bali)
"Maturan ring Hyang Pramesti Guru :Sang Bhuta Galungan : Canang burat wangi, canang genten, sodan, segehan sakepel."
Hangken Sukra Wage Kuningan (Penampahan Kuningan)
"Maturan ring sang Kala Galungan : Sapasuguh jejeron matah, canang genten, sodan maulam sakasidan."
Hangken Buda kliwon Pahang (Pegat wakan)
"Maturan ring Hyang Licin : Canang burat wangi, canang sari, segehan kepel."
Hangken sukra Wage Wayang (kala paksa)
"Maturan ring Maha Kala : Byakalan linggian macelat nganggen pandan."
Hangken Buda Wage Klawu
"Maturan ring Hyang Sedana, ngodalin seraja berana : Canang lengawangi-burat wangi, tebasan bagia setata suci."
Hangken Sukra Umanis Klawu
"Maturan ring Hyang Sri ngodalin Pantun : Canang burat wangi, pangeresikan, sodan, tebasan mertha rauh sai."
Sampai disini postingan saya semoga bermanfaat dan maaf bila ada yang agak berlebihan
salam Mahasuci Shri
Post a Comment